التجار العرب
مجموعة تجزئة — المخزنجي وبابا التوفير
2019 — حاليًاالتدرّج الوظيفي
- الإدارة والحسابات — 2019
- مدير التشغيل — من أكتوبر 2021
الحكاية
لما الشركاء في المجموعة القديمة انفصلوا سنة 2019، طلعت مع واحد منهم نأسس شركة جديدة من الصفر: التجار العرب، اللي شغالة باسم المخزنجي وبابا التوفير. ماكانش فيه سيستم، فعملت سيستم إداري كامل على Excel بـVBA والفورمز، ورفعته على Drive، وكان شايل كل حركات المخازن والفروع، وكنت ماسك عليه الإدارة والحسابات.
دخلت الجيش ضابط احتياط من 2019 لـ2021. وبعد ما رحت الوحدة كمّلت شغل أونلاين: أتابع السيستم اللي عملته وأحلل بيانات المجموعة، ورجعت الشركة في أكتوبر 2021 مدير تشغيل.
كانت المجموعة كبرت ووصلت 35 فرع وفيها عشوائية كتير. عملنا هيكلة للشركة ونقلنا الشغل كله على سيستم Miracle ERP. وفي 2022 احتجنا حاجة أكبر من إمكانيات السيستم ده، فاتعلمت أودوو وعملت سيستم المجموعة بنفسي من الألف للياء ودربت الموظفين عليه، ومن هنا بدأت رحلتي مع أودوو.
أهم النتايج
- عملت سيستم Excel VBA اللي مشّى الشركة من أول يوم
- هيكلة مجموعة كبرت لحد 35 فرع
- تطبيق Miracle ERP على المجموعة كلها
- سيستم أودوو اتعمل جوه الشركة والموظفين اتدربوا عليه
شهادات الخبرة
خبرات تانية في التجزئة
99.99استشاري تشغيل · 2023 · 6 شهور
- استشاري تشغيل
شغل استشاري لمدة 6 شهور مع شركة تجارة أحذية، مسكته جنب شغلي في التجار العرب، عشان أطوّر شغل الشركة وطريقة تشغيلها اليومية.
- طوّرت شغل الشركة وتشغيلها اليومي في 6 شهور
شوز كلوبمن سيلز لمدير منطقة ومدير الأونلاين · 2015 — 2019
- سيلز — فرع طنطا
- نائب مدير الفرع
- مدير الفرع
- مدير منطقة — 5 فروع
- مدير المخازن
- إدارة كل الفروع — التشغيل والمخزون
- الحسابات
- مدير الأونلاين — سنتين
بدأت هنا سنة 2015، بعد الثانوية العامة على طول، سيلز في فرع طنطا بشركة نيو بورن للملابس الجاهزة، وكانت فروعها اسمها Fifty Five. بعد 6 شهور بقيت نائب مدير الفرع، وبعدها بشهرين بقيت مديره، وبعدين مدير منطقة مسؤول عن 5 فروع: الجرد والمبيعات وشؤون الموظفين، كل حاجة.
دخل شركاء جداد واسم المجموعة بقى شوز كلوب. اتنقلت أمسك المخازن 3 شهور، ورجعت لإدارة الفروع، بس المرة دي الفروع كلها، وتركيزي اتنقل من البيع للجرد والشغل الإداري. وبعد شهرين في الحسابات، مسكت البيع الأونلاين للمجموعة.
مسكت القسم ده حوالي سنتين — صفحة الفيسبوك وجوميا وسوق ونون — وكان أنجح حاجة عملتها هناك. وكده أكون اشتغلت في كل أقسام الشركة، من المخزن للحسابات. وفي 2019 الشركاء انفصلوا والشركة اتقسمت.
- من سيلز لمدير منطقة لـ5 فروع في أقل من سنتين
- مسكت المخازن والفروع والحسابات والأونلاين
- عملت قناة البيع الأونلاين على جوميا وسوق ونون
